AIMIL FOLC

Cea fin de curso 2011

2011-07-01T18:40:00.001-07:00

A noite comezou con moitas ganas de cantar (ben, mal e regular), risas e sobre todo intencións de pasalo ben. Continuou con tolerías, bailes e aínda que faltou algunha canción de Meli e quedou pendiente un MAITINES que non vos perdoo... houbo moitos berros de euforia, recordos de infancia, e un pouco de catarsis... O vacalao un pouco salgado fíxonos beber viño e a boa noite fixo o resto. Perdón aos veciños do Lulos polo noso ruidoso comportamento ; ) e esperamos que a próxima sexa polo menos igualiña que esta.

NOTA: No meu Facebook están o resto das fotos.

Xunio 2010. Cena Fin de curso

2010-06-26T05:40:00.000-07:00

MI MADRIÑA!!!!!

Empezamos con polbo á "Foliada de Nostián" polbo á "Rianxeira"e polbo ó "Miudiño"...
De segundo carne guisada con muiñeira e unhas boas pandereteiras todo bañado con patacas e guisantes ó acordeón (que non estaba moi sabroso, pero en fin...). De acompañamento ensalada de gaita con bombo e tambor.
De postre unha magnífica tarta xelada con cachiños de pasodobre.
Non faltou café, copa e PORRO.

Os comensales... eiquí vos deixo unhas fotos:

Romería raigame

2010-05-19T06:42:00.000-07:00

O pé da Torre de Vilanova dos Infantes disfrutamos da Romería... Gaiteiros, pandereteiras, cantareiras, danzantes,... unha chea de xente que se xunta para pasalo ben facendo e disfrutando do que máis lle gusta.

Membros do coro de Aimil tamén acudimos a este encontro e quedamos ofrecidos a repetir para o ano que ven.

Día Internacional da MULLER

2010-03-09T12:55:00.000-08:00

O CORO AIMIL, pertencente á Asociación Cultural AIMIL FOLC de Xinzo de Limia, participou exitosamente nos actos conmemorativos do Día Internacional da Muller Traballadora que, organizados polo Concello de Xinzo de Limia, tiveron lugar no salón de actos da Casa da Cultura desta localidade este domingo, día 7. O público presente agasallou con cálidas e emotivas ovacións as interpretacións do CORO AIMIL.

O Coro AIMIL e a Coral "Santa Mariña" interpretaron conxuntamente o Himno Galego.

Cursiño e concerto didáctico de Antón Varela

2010-03-09T10:31:00.000-08:00

- O sábado, día 6, e domingo, 7 de marzo, o prestixioso artesán e mestre gaiteiro ferrolán ANTÓN VARELA estará con nos na ESCOLA MUNICIPAL DE GAITAS & PERCUSIÓN DE XINZO, impartíndonos un pequeno cursiño sobre o noso instrumento nacional.

- Asemade, o sábado, día 6, ANTÓN VARELA ofrecerá unha amena charla redondeada cun pequeno concerto didáctico, en acto aberto para todos os públicos, no salón de actos da Casa da Cultura de Xinzo, ás 20:00 h.

Actuación do coro de Aimil na presentación do novo libro de Edelmiro Martínez

2009-12-10T13:15:00.000-08:00

Animamos a todos os amigos que veñades este venres 11, ás 20:30, na casa da cultura do concello de Xinzo. Alí estaremos amenizando a presentación deste novo libro creado por Miro para todos nos...

O Magosto

2009-11-09T07:00:00.001-08:00

Festa da Saínza 2009

2009-09-22T03:37:00.001-07:00

Actuación Santa Mariña

2009-08-01T13:11:00.001-07:00

Ruta a Faramontaos

2009-04-04T11:34:00.000-07:00

Este sábado varios membros de Aimil xunto con un bo grupo de compañeiros e compañeiras fómonos a Faramontaos. Fixemos unha ruta que gratamente nos sorprendeu por unha paisaxe de carballos a beira do río... pasamos polo embalse de Faramontaos e chegamos ata a entrada de Gudín.

Animamos a toda a xente a que se apunte a estas pequenas andainas e disfrute co corazón e con todos os sentidos dos espazos que nos rodean e que apenas coñecemos...

A próxima andaina está prevista para o sábado 18 de Abril, a Couso.

Cena celebración do primeiro premio da Canción do Entroido.

2009-03-16T07:38:00.000-07:00

Este domingo celebramos que gañamos o primeiro premio da Canción do Entroido. Foi, sen dúbida, a mellor cea ata o momento... Comida de calidade, moi abundante, sabrosa... a compaña, xa sabedes, do mellor. Ó principio enredamos co partido de futbol Real Madrid-Athletic de Bilbao e logo tanto o licor café como a crema de orujo foi aclarando as gorxas para votarlle unha e outra...
Unha boa noite.

Ruta dende ó Mosteiro de Trandeiras

2009-03-16T07:24:00.001-07:00

Parece que o tempo deu unha trégua para poder disfrutar este sábado dunha ruta dende o Mosteiro de Trandeiras.Esta foto está feita na PEDRA MOURA (a medio camiño entre o Mosteiro de Trandeiras e a Torre de Pena)

O Entroido e Aimil

2009-02-27T07:37:00.001-08:00

Sobran as palabras... o Entroido non se pode explicar é para vivilo. Que llo pregunten a eles...

Aquí tedes algunhas fotos como mostra...

Canción do Entroido

2009-02-25T10:41:00.000-08:00

¡¡¡Gañamos o primeiro premio!!!

XINZO VILA TERMAL

"OS DA CÁRCEL"

O nono entroido de Xinzo
foi sempre moi renombrado. (bis)
Vimos cantando unidos
para mellor celebralo.(bis)
Aila la la la la la , aila la la la la la (bis)
O alcalde fixo un parquin
para que metan os coches. (bis)
E o únicio que "meten"
son as parellas de noite. (bis)
Aila la la la la la , aila la la la la la (bis)

Por riba do aparcadoiro
queda unha praza moi boa. (bis)
Pois cando can catro gotas
aseméllase a Lagoa (bis)
Aila la la la la la , aila la la la la la (bis)

Na Lagoa de Antela
según a prensa nos di. (bis)
Aleluia temos auga
que queima antes de sair.
Aila la la la la la , aila la la la la la (bis)

Neste pobo mandan tres
Vila, Blanco e Chavilleiro. (bis)
Chavilleiro manda á grúa
Vila e Blanco o pobo enteiro. (bis)
Aila la la la la la , aila la la la la la (bis)

Ben toliño te puxeches
aparcaches mal na rúa. (bis)
Cando fuxes polo coche
xa marchara con el a grúa. (bis)
Aila la la la la la , aila la la la la la (bis)

Con isto das eleccións
menuda "entroidada". (bis)
O Touriño e o Feijoó
e por riba o Quintana. (bis)
Aila la la la la la , aila la la la la la (bis)

Aí vos vai a despedida
Aí vos vai a derradeira. (bis)
Así é o Entroido de Xinzo
e non é de outra maneira. (bis)Aila la la la la la , aila la la la la la (bis)

Cantando os Reis polos viños

2009-01-24T09:01:00.000-08:00

De bar en bar polos viños tomando algo, saudando ós amigos-as, e entre risas e bromas CANTANDO...

Cursiño de Antón Varela

2009-01-10T02:40:00.000-08:00

O prestixioso artesán (luthier) e mestre gaiteiro ferrolán ANTÓN VARELA, estará en Xinzo en próximas datas -os días 24 e 25 de xaneiro-, onde impartirá un cursiño didáctico sobre afinación e coidados do instrumento, dirixido os/as gaiteiros/as da nosa Banda de Gaitas titular. Asemade, intervirá nun acto aberto ó público que se celebrará o sábado, día 24, ás 20:00 h. no Salón de Actos da Casa da Cultura de Xinzo, onde disertará sobre a tipoloxía de gaitas europeas, timbres, sons distintivos, etc., con imaxes comentadas e un mini-concerto didáctico en directo.

Esta actividade está organizada pola nosa Asociación Cultural "Aimil Folc" e terá lugar nos locais da Escola Municipal de Gaitas & Percusión.

Velaquí un vídeo onde podedes ver e escoitar ó mestre Antón Varela interpretando unha muiñeira tradicional cunha gaita de son moi distintivo, construída no seu obradoiro e copia dunha do século XIX.

">

2008-12-24T11:11:00.000-08:00

Unha das voces máis representativas da música do noso país nos últimos anos, a prestixiosa artista GUADI GALEGO (ex-compoñente do grupo Berrogüetto, compoñente actual de Nordestin@s e doutras formacións) estará connosco en Xinzo os vindeiros días 29 e 30 de decembro, impartindo un cursiño ás nosas pandereteiras, organizado pola nosa Asociación Cultural "Aimil Folc". Podedes acadar máis información sobre esta magnífica intérprete na seguinte ligazón:
http://www.abada.es/ga/web/grupos.php?id=6&ts=1

Que a sorte nos acompañe...

2008-12-21T14:31:00.000-08:00

E a todos os amigos e amigas de Aimil que colaboraron coa compra da lotería de Nadal.

O número é: 62 740

Costureiriña

2008-12-21T14:11:00.000-08:00

Onte fomos a Vilariño onde a costureira.
Mediunos de un en un para a confección do novo traxe a medida.
Estamos moi ilusionados-as e con gañas de ver o producto final da artesana.
¡Somos uns presumidiños!

Pandeiretas.

2008-12-18T16:48:00.000-08:00

Xa dende o ano pasado estamos a aprender o arte de tocar a pandeireta. Xuntámonos os xoves ás 8:30, xusto antes do ensaio do Coro, para ir entrando en tono... Fernando Dopico, o director do coro, é tamén o noso mestre de pandeireta.

"Historia e memoria. A Limia 1931-1953"

2008-11-20T13:22:00.000-08:00

Aínda que o autor, Miro, admitiu que estaba un pouco nervioso, a exposición de ese "ovo" que hoxe eclosiona foi todo un éxito.

Non faltou a venta do exemplar,que a xulgar pola cola que tivemos que esperar algúns, denota unha boa acollida.

Despois da actuación de Natalia Gómez tocoulle o turno ó coro de Aimil Folc dirixido por Fernando Dopico.

Os nosos tenores fixérono moi ben...

Finalizou a cómoda velada cuns pinchos na Casa da Cultura.

Presentación de: Historia e memoria. A Limia 1931-1953

2008-11-06T15:23:00.002-08:00

O xoves, 20 de Novembro, ás 20:30h, na Casa da Cultura de Xinzo de Limia terá lugar a presentación deste libro.

Contará coa intervención do autor do Limiar: Manolo Seoane Feijoo e o autor do libro, Edelmiro Martínez Cerredelo.

Presentará o acto: Antonio Rodríguez Corbal, portavoz do CDR "O Viso".

A colaboración musical estará a cargo de: Natalia Gómez e o Coro galego da Asociación Aimil Folc.

Ruta a Mosteiro (con exhibición de cetrería incluída)

2008-10-26T14:01:00.001-07:00

Membros de Aimil na ruta das areneiras da Lagoa

2008-10-12T06:53:00.000-07:00

Pasamos unha boa tarde...
e non fixo falta viaxar a outra parte do mundo...
eiquí mesmo á veiriña das nosas casas puidemos disfrutar dunha paisaxe moi diferente.
Disfrutade das imaxes.

Aimil na Romería da Saínza

2008-09-30T04:18:00.001-07:00

Xornada "O Entroido"

2008-01-19T04:31:00.000-08:00

Onte celebrouse, na casa da cultura de Xinzo ás 20:00, unha xornada para reflexionar sobre a festa máis grande que temos: "O ENTROIDO". Foi unha reunión case familiar na que Miro Martínez e Federico Cocho transmitiron as súas opinións, vivenzas,...

O coro AIMILFOLC abriu a xornada co "MIUDIÑO" e rematouna co, xa conocido por moita xente: "HAI MANUEL". Por petición do público a actuación continuou con unha versión de "MILHO VERDE" (popular portuguesa)

Hoxe hai ensaio

2007-12-27T15:38:00.000-08:00

Como todos os xoves as 8:30, pódese dicir que aínda que chova ou neve, hai ensaio. Xuntámonos na antiga cárcere de Xinzo, temos hora de entrada pero non de saída.

Algunha das cousiñas que vivimos ata agora

2007-12-15T06:04:00.000-08:00

O Coro Aimil está formado por un grupo de voces femininas e masculinas desprovistas de artificialidade no canto, xa que busca a naturalidade como vehículo de transmisión músico-vocal. Polo mesmo, condiciona as adaptacións do seu repertorio, buscando a sinxeleza harmónica sobre o barroquismo polifónico.

Melodías populares e de autor baseadas na música popular galega, xunto con algúns temas de orixe portuguesa, constitúen o elenco principal do repertorio do Coro Aimil, onde cómpre salientar tamén o acompañamento da gaita e percusión tradicional nalgunhas das súas cantigas.

Dentro da corta vida deste coro, débese salientar que o seu éxito está comenzando a chegar da mán do recoñecemento doutras agrupacións; como é a súa recente e exitosa participación no “Concerto de Outono 2006”, a invitación expresa da magnífica Coral de Barrô, en Águeda – Portugal.

Por último, significar que a meirande parte dos arranxos musicais e harmonizacións dos temas do Coro Aimil son ideados expresamente para esta formación, da autoría do seu director e fundador, o Mestre Gaiteiro Fernando Dopico, tamén director e Gaiteiro Maior da Escola Municipal de Gaitas & Percusión do Concello de Xinzo de Limia.